ЕУ треба да се придвижи „што е можно побрзо” од пристапот на чекање и гледање кон стратегија за решавање на проблеми во справувањето со проширувањето и Западен Балкан, изјави словенечкиот министер за надворешни работи Анже Логар за ЕУРАКТИВ во интервју за приоритетите за неговата земја за претстојното претседателство со Советот на ЕУ.

– Во последниве години, стратегијата на ЕУ кон Западен Балкан беше пристап на чекање и гледање, при што блокот не беше премногу активен во регионот наспроти ќорсокакот на реформите, рече Логар. Toj  призна дека во изминатата деценија , проширувањето „падна од агендата на ЕУ”.

– Знаеме дека она што се случи е дека трети страни влегоа во регионот, некои почнаа да ги извршуваат своите стратешки интереси и ова ја покажува ранливоста на регионот за ЕУ, тоа е стратешки опасно”, изјави Логар.

– Ако ние (ЕУ) не го пополниме вакуумот на Западен Балкан, нашето непосредно соседство, некој друг ќе го пополни… Во таа смисла, во наш најдобар стратешки интерес е да дејствуваме што е можно побрзо и да ги интегрираме овие земји во ЕУ, додаде тој.

Она што сакаме да го промениме е, вели Логар, да преминеме од стратегијата на ЕУ насочена кон стратегија за решавање на проблемите, објаснувајќи дека ова би вклучувало размислување за тоа како да ги охрабриме и принудиме владите да ги забрзаат реформите.

Тој истакна дека процесот на проширување „мора да биде одржлив и тие земји треба да бидат сигурни дека доколку исполнат одредени цели, следниот чекор, проширувањето ќе дојде за нив, додавајќи дека ова особено ќе се однесува на земјите кандидати Албанија и Северна Македонија.

– Двете земји ги исполнуваат критериумите што им беа поставени од ЕУ и бидејќи блокот се заснова на владеењето на правото и истата мерка за сите, и двете треба да продолжат во следната фаза, рече Логар и додаде дека се уште се надеваат дека договорот ќе биде можен во текот на оваа недела под португалско претседателство.

Словенија треба да организира во октомври неформален самит на Западен Балкан со лидерите на ЕУ и регионалните земји.

– Ние исто така сакаме да го вклучиме гласот на сограѓаните од земјите од Западен Балкан во дебатата за иднината на Европа, изјави словенечкиот министер за надворешни работи Анже Логар.