Државниот инспекторат на Република Хрватска известува за нов случај на отповикување на прехранбен производ поради опасни бактерии. Како што наведуваат, производот „Самоборска салама, ЛОТ 00050125.09.2024 година, со рок на траење од 23.01.2025 година“ се повлекува од пазарот поради идентификуваната бактерија листериа моноцитогенес. Производот не е во согласност со Регулативата на ЕУ за микробиолошки критериуми за храна.

Производител е „Meсница Прелес“ д.o.o. Ова е веќе десетти случај на листерија откриена на прехранбени производи на хрватскиот пазар годинава, пишува Даница.хр. Ја има во колбаси, сендвичи, салами, дури и во чоколадни бисквити. Листеријата е опасна бидејќи може да предизвика инфекција на централниот нервен систем. Инфекцијата може да доведе до парализа на мозочните нерви и екстремитети, менингитис, енцефалитис (воспаление на мозокот) и смрт.

Се третира со специфични антибиотици. Инфектолозите предупредуваат дека бактеријата има посебна склоност да го напаѓа мозочното ткиво и покривката на мозокот. Меѓу инфекциите кои се пренесуваат преку храна, најчеста е салмонелозата, а најопасна е листериозата, бидејќи често завршува со смрт.