Лидерот на израелската опозиција и претседател на партијата Јеш Атид, Јаир Лапид, денеска го повика американскиот претседател Доналд Трамп да се вклучи во војната против Иран.

„Верувам дека претседателот Трамп ќе го направи она што е правилно за САД, но во разговорите со меѓународните претставници и во меѓународниот печат постојано нагласив – САД мора да се приклучат на оваа битка. Нуклеарниот Иран е закана за целиот свет, не само за Израел“, рече Лапид, според „Џерусалим пост“.

Коментарите на опозицискиот лидер дојдоа еден ден откако тој се сретна со израелскиот премиер Бенјамин Нетанјаху за да ги информира за безбедносната ситуација и беа уште еден пример за целосна поддршка на опозицијата за нападите врз Иран, пишува израелскиот весник.