Во Тетово сè уште нема достапни термини за мамографија, нема доволно кадар, нема онколози. Тоа мора да се промени, порача д-р Катка Божиноска, кандидатката за градоначалничка на Тетово на Левица.

Божиноска која присуствуваше на настан посветен на жените и борбата против ракот на дојка, во рамки на месецот на свесност – Розов октомври, порача дека оваа акција е чин на солидарност, но и гласна реакција на игнорантскиот однос на институциите

– На настанот, жени-членки, активистки и поддржувачки на Левица, облечени во розово како симбол на солидарност со жените кои се соочуваат со рак на дојка, испратија моќни пораки на поддршка, охрабрување и барања за подобрување на здравствениот систем – велат од партијата.

Кандидатката за градоначалничка на Тетово од Левица додаде дека ќе продолжат со секојдневни активности на терен.