Тимоти Лес, соработник во Центарот за геополитика на Универзитетот во Кембриџ, истакна дека нема потреба да се вознемируваме од изјавата на британската пратеничка Алиша Кернс која реше дека СПЦ учествува во шверцот на оружје во амбулантни возила, бидејќи, како што вели тој, пратеничката има историја на неточни коментари за Балканот поради нејзиното ограничено разбирање за регионот.

Во одговор на Косово онлајн, Лес изјави дека никој во Британија не реагира на нејзините изјави, а ова е само најнов пример за нејзините неточни коментари.

„Не ги гледам коментарите на Алиша Кернс како нешто за што треба премногу да се вознемируваме. Кфор потврди дека нејзиното тврдење е неосновано и никој во Британија не одговорил на нејзината изјава. Пратеничката има историја да дава неточни коментари за Балканот поради нејзиното навидум ограничено разбирање за регионот, а ова е само најнов пример“, рече Лес.

Пратеничката и претседателка на Комисијата за надворешна политика на британскиот парламент, Алиша Кернс вчера при своето излагање упати обвинувања дека со помош на амбулантни возила од Србија во Косово се шверцува оружје, кое потоа се чува во православните цркви.

Кфор денеска зборуваше за новонастанатата ситуација, наведувајќи дека „нема докази за наводниот шверц што бил вршен преку административната гранична линија меѓу Косово и Србија во православните цркви со амбулантни возила“.