Американската ѕвезда Леонардо Дикаприо на отворањето на 78-от Меѓународен филмски фестивал во Кан му ја додели почесната Златна палма на својот холивудски идол, филмската легенда Роберт де Ниро.

„Чест ми е што сум тука и му оддавам почит на некој што беше пример за цела генерација актери, нашиот идол Роберт де Ниро. Делото на Роберт де Ниро не е само за улогите што ги игра, туку и за начинот на кој ги охрабрува актерите да го гледаат занаетот не само како изведба, туку и како трансформација“, изјави Дикаприо.

Леонардо Дикаприо (50) и Роберт де Ниро (81) неодамна беа заедно во филмот на Мартин Скорсезе „Убијци на цветната месечина“, кој го претставија во Кан во 2023 година.

Двајцата актери претходно глумеа заедно во филмот на Мајкл Катон-Џонс од 1993 година и филмот на Џери Сакс од 1996 година „Собата на Марвин“.