Легендарниот Аргентински фудбалер, а денес тренер Хернан Креспо повеќе нема да биде тренер на Ал Аин потврди клубот oд Обединетите Арапски Емирати.

Бранителот на титулата во Азија информацијата за заминувањето на Креспо ја потврди преку социјалните мрежи.

„Одборот на клубот се заблгодарува на Креспо и неговиот стручен штаб за професионализмот и напорите кои ги дадоа откако го преземаа клубот. Сепак, неодамнешните резултати не се во склад со очекувањата и им посакуваме успех во нивните понатамошни кариери“, стои во соопштението.

Отказот за Креспо доаѓа по поразот на тимот од 5:1 од саудискиот Ал Наср во Лигата на шампионтие и поразот од 3:0 од Ал Ахли на Интерконтиненталниот куп на ФИФА.