Легендата на Манчестер јунајтед и велшката репрезентација, Рајан Гигс се наоѓа во големи финансиски проблеми и очигледно не се снаоѓа најдобро во бизнисот во последниот период.

Гигс уште во 2014 година го купи познатиот ресторан „George’s Dining Room and Bar“, но сега истиот отиде во стечај откако му се собрал долг од пола милион евра.

Гигс во целата работа изгубил над 100.000 евра, но тој не е најпогодениот од овој неуспех. Многу вработени кои работеле во ресторанот добиле откази без да им бидат исплатени платите и наводно Гигс им останал должен над 30.000 евра.

Кога одлучил да го затвори ресторанот поради долговите, Гигс само им оставил порака во која објаснува дека морал тоа да го направи и изразил жалење за целата ситуација.