Во тек е кампањата „Стави појас“ на Реубличкиот совет за безбедност на сообраќајот на патиштата (РСБСП). Секретарот на Советот, Владимир Лазаров, денеска во „Скопски агол“ на „Утрински брифинг“ на „Слободна ТВ“ истакна дека оваа кампања е продолжение други две кампањи.

-Истражувањата и проценките покажуваат дека помалку од 40 отсто од возачите користат сигурносен појас. Тој процент е уште помал кога станува збор за сопатници на предното седиште кои користат појас. Бројот на патници на задното седиште кои користат појас е приближно еднаков на нула. Колку за споредба, стапката на користење сигурносен појас на предните седишта во земјите од Европската Унија е околу 90 отсто, а на задните седишта од 60 отсто до 70 отсто и ЕУ ова го смета за „сериозен проблем“- вели Лазаров.

Лазаров смета дека е потребна добра кампања за поголема безбедност во сообраќајот“.

-Апелирам до сите водачи без оглед дали ќе управуваат со возило на кратки или подолги релации, да ставаат појас. Ризикот да се загине во сообраќајна несреќа е 10 пати поголем доколку не ставите сигурносен појас. Користењето на појасите е законска обврска како за возачите така и за патниците на предните и задните седишта. Возачите и патниците мора да сватат дека користењето на сигурносниот појас е наменето пред се за нивна лична безбедност и тоа е суштинско за тоа какви ќе бидат последиците од сообраќајните незгоди. Законот предвидува казни за возачите и патниците кои не користат појаси, но нема поголема казна од последиците од сообраќајните незгоди во кои учесниците не користеле појас- додава Владимир Лазаров.