Рускиот министер за надворешни работи Сергеј Лавров изјави дека на самитот САД-Русија, што се одржа во петокот во Алјаска, било очигледно дека американскиот претседател Доналд Трамп и неговиот тим искрено се стремат кон постигнување долгорочен и одржлив мир во Украина.

Лавров изјави дека атмосферата на самитот меѓу рускиот претседател Владимир Путин и Трамп била „многу добра“, објави ТАСС.

„Беше јасно дека американскиот лидер и неговиот тим, пред сè, искрено сакаат да постигнат резултат што ќе биде долгорочен, одржлив и сигурен“, изјави Лавров за државниот телевизиски канал Росија 24.