Украинскиот министер за надворешни работи Дмитриј Кулеба денеска го обвини рускиот претседател Владимир Путин дека ја турка Европа во најмрачните времиња од 1939 година. Тој ги повика другите земји во светот итно да воведат строги санкции кон Русија и да обезбедат воена и финансиска поддршка за Украина.

„Токму сега, Путин ја турка Европа во најмрачните времиња од 1939 година”, оцени Кулеба.

Тој смета дека е наивна секоја влада што се надева дека ќе може само да почека додека сè да заврши. Не ги повторувајте грешките од минатото”, напиша Кулеба на Твитер.

Инаку, на 1. септември 1939 година нацистичка Германија изврши инвазија на Полска и изврши прогон на тамошните Евреи, настани што се сметаат за предвесник на Втората светска војна. Веќе следната година нацистите и нивните сојузници покорија поголем дел од Европа.