Ватерполистите на Шпанија се новите светски прваци!

Во финалето на Светското првенство во Сингапур, Шпанија ја совлада селекцијата на Унгарија со резултат 15:13 и со тоа ги обедини европската и светската титула. Со овој триумф, Шпанците ја потврдија својата доминација и се етаблираа како најголема сила во ватерполо во моментов.

Финалето беше неизвесно до самата завршница. Унгарците водеа со 10:9 пред почетокот на последната четвртина, но тогаш Шпанија одигра фантастично и со одлична серија во последните осум минути целосно го сврте резултатот во своја корист.

Легендарниот 39-годишен Фелипе Пероне на овој начин се прости од репрезентативната кариера, и тоа со највредниот можен успех – светска титула.

Најефикасни и најзаслужни за златото беа бековите Алваро Гранадоc и Бернард Санахулја, кои постигнаа по пет голови. Во унгарската селекција се истакна Ѓерѓели Буријан со три гола, но тоа не беше доволно да се спречи шпанскиот триумф.

Со оваа победа, Шпанците ја освоија својата четврта титула светски шампион, со што се изедначија со рекордот на Унгарија, Италија и Србија.

Да потсетиме, Србија остана без медал на ова првенство, откако загуби од Грција во борбата за третото место.