Ексдиректорот на Центарот за јавно здравје во Охрид доби кривична пријава за злоупотреба на службената положба и овластување, соопшти полицијата.

„СВР Охрид поднесе кривична пријава против С.Т.(61) од Охрид, поранешен директор на ЈЗУ-Центар за јавно здравје-Охрид, поради постоење основи на сомнение за сторено кривично дело „ Злоупотреба на службена положба и овластување“. Тој, во 2023 и 2024 година презел службени дејствија ангажирајќи лица со договор за дело, без да обезбеди финансиска согласност од Министерството за финансии а на кои редовно им биле исплаќани приходи, со што ги пречекорил границите на своите службени овластувања“, велат од МВР.