Неодамна на нашиот официјален инстаграм-профил @slobodenpecat, сосема спонтано и автентично – на ваше барање, а на наше задоволство – започнавме иницијатива за поголема видливост на традиционалните медиуми преку понуда за читање весници во македонските угостителски објекти.

Еден од првите угостителски објекти кои се приклучија на иницијативата е „Краш бар“ (Crash bar) во центарот на Скопје, одлично место за „кулирање“ со неверојатно богат избор на пиво и храна, но и домаќин на разновидни настани.

„Краш бар“ – лежерно место со фантастичен избор на храна и пиво во одлична, опуштена атмосфера

Уште пред да влезете во „Краш бар“, пред објектот ќе ве пречека еден хумористичен напис, кој гласи: „Имаме ладно пиво како свекрва ти“ – и навистина, тука дефинитивно ќе имате можност да вкусите квалитетно ладно пиво.

Но, она што го разликува „Краш бар“ од другите угостителски објекти е тоа што ова место нуди неверојатно голем избор на пиво – кога велиме голем, мислиме на над 50 различни пива! Значи, тука сериозно го сфатиле предизвикот да има пиво за сечиј вкус. Ние го прифативме предизвикот и вкусивме неколку белгиски пива по кои дефинитивно ќе се вратиме повторно.

„Краш бар“ е како создаден за опуштање за време на или после работа, со колеги и пријатели, службено или приватно. Ова го тврдиме затоа што откако ќе влезете, без сомнеж, ветуваме дека ќе ги забележите и нaјудобните кауч и фотељи во градот, а ако имате среќа и не е преполно, ќе си го фатите најопуштеното место за храна и пијалок, како и да прочитате што има има ново и што се случува околу нас со нивната понуда на Слободен печат за сите посетители.

Освен по пивото, „Краш бар“ е познат по своите бургери, а оттаму ни го истакнуваат „смеш биф бургер“, па запамтете што да побарате за јадење кога ќе ги посетите.

„Краш бар“ е домаќин и на приватни забави и разновидни јавни и приватни настани. Она што многу ни се допадна за ова место е долното ниво на барот, кој изгледа фантастично. Тука, може да одморите во мир, да прочитате нешто или да работите, а истото место се преобразува и во идеална локација за следење спортски настани, концерти и се’ друго ќе им падне на памет на креативните сопственици на ова кул место.

Живееме и работиме за подобро општество, шириме позитива и ве испраќаме дома најадени и напиени, исто како кај баба ти на гости да си бил, ни рекоа од „Краш бар“ кога ги прашавме која е целта на нивното постоење.

Совесно тврдиме дека така си заминавме, задоволни од врната услуга и пријателската атмосфера во „Краш бар“, ова е место во кое често ќе се враќаме.

ЛОКАЦИЈА: Булевар Свети Климент Охридски број 18 (Спроти Влада на РСМ)
РАБОТНО ВРЕМЕ: од понеделник до четврток 09:00 – 00:00 / петок 09:00 – 01:00, сабота 10:00 – 01:00 (недела неработен ден)
СЕ ЧИТАМЕ ВО „КРАШ БАР“!