ВМРО-ДПМНЕ, ВРЕДИ и ЗНАМ уверени се дека ќе имаат двотретинско мнозинство за реорганизацијата на министерствата и формирање уште две нови. Законот кој ќе предвиди поразлично функционирање на органите на државната управа и различна распределба да секторите, се очекува наскоро да влезе во собраниска процедура.

„Ние ветивме дека ќе воведеме нови ресори во владата, или ново министерство за енергетика и за спорт. Ќе има поддршка за овие промени, деновиве ќе се поднесе законот. Практично за истите очекуваме поддршка од сите, бидејќи ова е за доброто на сите и на Македонија“, рече Драган Ковачки, пратеник и член на извршниот комитет на ВМРО ДПМНЕ.

Ковачки посочи дека сите се свесни дека претстои многу работа по формирање на владата.

„Сите сме подготвени, премиерот Христијан Мицкоски е подготвен за многу работа, за подобар стандард на граѓаните, за подобри услови за живот, за трансформација на општеството, ќе се направи се здравството да функционира, образованието да продуцира квалитетни кадри“, кажа Ковачки.