Новинарот и аналитичар Насер Селмани во вечерашната емисија „24 анализа“ рече дека нема да има крупна промена на политичката слика во земјата по изборот и реизборот на лидери на двете најголеми политички партии, за кои тој забележува дека и не си честитаа.

– Нека си се борат за интересите кои ги застапуваат, но сега и двете страни се еуфорични во најавите дека ги чекаат важни случувања. По резиборот на Мицкоски, очекуваат дека побрзо ќе издејствуваат вонредни избори, но не треба да се потценат и најавите на Ковачевски. Треба да му се даде шанса. Тој ќе може да ги прими нападите од опозицијата и да и ги расипе плановите за брзи избори, рече Селмани.