Пратеничката на СДСМ Бисера Костадиновска Стојчевска во емисијата „24 Анализа“ истакна дека приказните на ВМРО-ДПМНЕ за прераспределба на јавната администрација паднале во вода, а заложбите за поефикасна администрација не им биле вистинска цел, туку само „задоволување на партиските математики и апетитите на ВМРО ДПМНЕ и нивните коалициони партнери“.

„Целата реторика на ДПМНЕ 7 години беше ДУИ во опозиција и си го погази тоа. Ја видовме старата љубов на ДПМНЕ и ДУИ како дојде на сцена и тој закон се изгласа со ново мнозинство“, рече Костадиновска Стојчевска, додавајќи дека законот го потпиша претседателката на државата, иако во 2019 тврдеше дека не треба да има повеќе од 14 министри, а сега има 20 министри, заменици, државни секретари.