Косовската влада го усвоила предлогот на Министерството за одбрана имотот на поранешниот аеродром во општина Подуево да им се предаде на Косовските безбедносни сили (КБС), објави Коссев.

Косовскиот министер за одбрана Ејуп Македонци, изјави дека одлуката за отстапување на оваа позиција на КБС е од посебно стратешко значење за распоредувањето на воените капацитети, пренесува Газета експрес. „Имотот што сакаме да го земеме во употреба е имотот на Република Косово, во некои катастарски области како Думош – Подуево, Радоево – Подуево, Качибег – Подуево, односно аеродромот Думош и Лукар Приштина. Овој имот е од особено стратешко значење за воспоставување на воените капацитети на нашата земја“, порача Македонци.