Женската кошаркарска репрезентација е нов европски шампион откако во финалето ја совлада Франција со 63:54 и по втор пат во историја се искачија на европскиот трон.
Двете репрезентации до борбата за златниот медал дојдоа со максимален учинок, но Србија во четвртфиналето играше продолжение, додека во полуфиналето го совлада европскиот шампион Шпанија.
Српските кошаркарки уште од првата минута играа цврсто во одбраната и на противничките не им дозволи лесни поени, притоа ја затворија Мијем и по првата четвритна имаа предност од 14:11. Втората четвртина започна со мини серија од 4:0 на Србија по што Франција возврати со своја серија од 7:0 за ново израмнување (18:18).

Но потоа и Србија имаше своја фуриозна серија од 13:0 со која дојде до 31:18 но до полувремето, предноста се намали на пет поени (31:26). Во Третата четвртина беше одлучувачка за победата на Србија, избраничките на селекторката Марина Маљковиќ дојде до предност од 15 поени (41:26) и ја оставија Франција цели пет минути без постигнат поен со што стекната предност ја зачуваа до крајот за конечен триумф од 63:54. Андерсон со 18 поени и Брукс со 15 поени беа најпрецизни во редовите на Србија, додека Вукосављевиќ даде 15 поени за Франција.
Ова е втора европска титула за српските кошаркарки, прв пат триумфираа 2015 година, додека Франција играше во финалето на последните четири ЕП и на сите четири загуби.