Демократска Република Конго и Руанда денес потпишаа мировен договор, постигнат со посредство на САД, кој има за цел да го прекине конфликтот во источен Конго во кој загинаа илјадници луѓе.

Договорот, кој го поздрави американскиот претседател Доналд Трамп, се базира на Декларацијата за принципи договорена во април меѓу двете земји, која вклучува одредби за „почитување на територијалниот интегритет и прекин на непријателствата“ во источен Конго по офанзивата предводена од вооружената група М23, објави Фигаро.

Договорот беше официјално потпишан денес на церемонија во Вашингтон, во присуство на државниот секретар Марко Рубио и неговите колеги од Конго и Руанда.