Кети Пери, Лајонел Ричи и Андреа Бочели ќе бидат главни изведувачи на концертот по повод крунисувањето на кралот Чарлс, а забележливо е отсуството на големи британски музички имиња, објави „Би-би-си“.

Во разновидната програма ќе се најде и британскиот бенд „Тејк дет“ (Take That) во сегашната форма, без основачот Роби Вилијамс, како и композиторот на класична музика Алексис Френч, кои ден по крунисувањето ќе настапат во замокот Виндзор пред 20.000 луѓе.

„Концертот ќе го прослави новото поглавје во националната историја, со теми за љубов, почит и оптимизам, славејќи ги четирите нации, нивните заедници и Комонвелтот“, истакна „Би-би-си“, кој ќе го пренесува настанот.

Ќе настапи и хор составен од аматери од различни заедници, како спасувачи на море, таксисти и реге групи, виртуелен хор од претставници на Комонвелтот, сојуз на земји кои се претежно поранешни британски колонии.

Во најавата за концертната програма се потврдени медиумските информации дека големи големи имиња на британската музичка сцена одбиле да учествуваат, како Елтон Џон, Адел, Ед Ширан и Хари Стајлс.

Крунисувањето на Чарлс Трети, првиот ваков настан по крунисувањето на неговата мајка Елизабета Втора во 1953 година, која почина во септември минатата година, засега не ги воодушевува премногу Британците, кои ги загрижува наглиот раст на цените во изминатата година. што поттикна сериозна социјална криза.

Анкетата на Институтот YouGov објавена во петокот покажува дека речиси две третини од Британците (64 отсто) и 75 отсто од младите луѓе не се заинтересирани за крунисувањето, а 46 отсто мислат дека ќе го гледаат преносот или ќе учествуваат на некои свечености.

Самото крунисување ќе се одржи на 6 мај во Вестминстерската опатија пред 2.000 гости и би требало да трае еден час. Ќе се одржи во малку поскромна форма од онаа на кралицата Елизабета (8.000 гости и траеше три часа).

Пристигнувањето го најавија многу крунисани глави и странски лидери, како францускиот претседател Емануел Макрон, американскиот претседател Џозеф Бајден ќе го претставува неговата сопруга Џил, а принцот Хари, кој не е во најдобри односи со кралското семејство, ќе дојде без сопругата Меган.