Комеморацијата за оперската првенка Ирена Кавкалевска ќе се одржи во понеделник
Во понеделник, на 14 октомври, со почеток во 10:30 часот на големата сцена во Националната опера и балет, ќе се одржи комеморацијата во чест на оперската првенка Ирена Кавкалевска, која почина на 24 септември.
Препорачано
-
1
-
2
-
3
Кавкалевска е добитничка на многу награди, школувана во Македонија, Софиjа, Грац, Загреб, дебитира на сцената на МОБ во 1996 година со улогата на Мадалена во „Риголето”. Настапувала на многу фестивали и оперски сцени, а незиниот репертоар е исполнет со успешни креации во „Кармен”, „Аида”, „Набуко”, „Моќта на судбината”, „Сестра Анџелика”, „Лули Цезар во Египет” „Севилскиот берберин”, „Лилјакот”, „Иван Сусаньин”, „Цар Самоил”…
„Уште во првата нејзина појава, Ирена Кавкалевска беше вистинско олицетворение на Кармен, бескрупулозната заводничка. Таа апсолутно пленеше со сценичноста, владееше со целото дејство, очигледно се чувствуваше удобно во улогата што а толкува. Комотна и самоуверена на сцената, мошне маркантно ja долови фаталната женска привлечност”, зборуваше музичката критика за креацијата на нашата уметница во познатата опера на Жорж Бизе.
