Адмиралот Сергеј Авакјанц денеска ја напушти функцијата командант на Пацифичката флота бидејќи ќе го преземе надзорот врз новиот центар за воена спортска обука и „патриотско образование“, соопштија руските власти.

Рускиот министер за одбрана неодамна изврши инспекција на единиците на Пацифичката флота, но сѐ уште не ги објави резултатите од инспекцијата. Флотата беше активна во руската инвазија на Украина.

Претходно овој месец, рускиот министер за одбрана Сергеј Шојгу објави дека Пацифичката флота е ставена на борбена готовност како дел од „изненадната проверка“, пишува Гардијан.