Сообраќајот на државните патишта се одвивa непречено, по суви коловози, информираат од АМСМ. Интензитетот на сообраќај на патните правци надвор од градските средини е зголемен.

-На ГП „Табановце“ се бележи зголемена фреквенција на возила времето на чекање за влез во државата е околу 30-45 минути, на ГП „Богородица“ за излез е околу 30 минути. На останатите гранични премини од македонска страна, нема подолги задржувања за влез и излез од државата, појаснуваат од АМСМ.

На ГП „Богородица“ во моментов се пуштени пет ленти за автомобили кои се упатуваат кон нашиот јужен сосед – како што може да се види од снимките од видеокамерите на Јавното претпријатие за државни патишта поставени на граничниот премин.

Зголемениот проток на возила на граничниот премин со Грција е вообичаен во овој период на почетокот на летната сезона.