Грета Тунберг, познатата шведска активистка за климатски промени, иако глобално призната и наградувана, живее скромно, со проценето богатство од околу 100.000 долари, главно стекнато преку авторски права за книги и права за документарни филмови, кои најчесто ги донира во добротворни цели.

Во исто време, нејзината посветеност на борбата за животната средина честопати водеше до конфликти со законот: првиот сериозен инцидент се случи на 17 јануари 2023 година во Германија, кога беше привремено приведена на протест против проширувањето на рудникот за лигнит Гарцвајлер. Казната ѝ беше изречена на 24 јули. И покрај сè, на 15 септември 2023 година, таа се врати на истиот протест, повторно приведена, покажувајќи дека ниту законот ниту парите не се пречка за неа во борбата против климатските промени- пренесе Телеграф.рс.

Најновиот и можеби најчувствителен инцидент се случи во среда, 1 октомври 2025 година, кога Грета Тунберг беше меѓу активистите на Глобалната флотила Сумуд – меѓународна флотила која се обидуваше да достави хуманитарна помош во Појасот Газа. Флотилата беше пресретната од израелските сили и насилно пренасочена кон израелското пристаниште Ашдод. Активистите, вклучувајќи ја и Тунберг, беа приведени, а инцидентот предизвика бројни политички и медиумски реакции низ целиот свет.

Поголемиот дел од нејзиниот приход доаѓа од авторски права за книги и права за документарни филмови, но таа го донира поголемиот дел од тие пари во добротворни цели, особено во областа на заштитата на животната средина.

Тунберг е авторка на неколку книги, вклучувајќи ги „Никој не е премногу мал за да направи разлика“ и „Книгата за климата“. Иако овие книги станаа бестселери во многу земји, сите авторски права се донирани на организации кои се занимаваат со заштита на животната средина, со што се покажува нејзината доследност и посветеност на целите за кои се залага. Покрај тоа, Грета Тунберг учествувала во документарни филмови, што генерирало дополнителни приходи, но поголемиот дел од средствата ги насочува кон својата фондација или организациите што ги поддржува.

Иако стана глобален симбол на борбата против климатските промени, Тунберг живее скромно, а нејзиното богатство е далеку од она што би се очекувало од личност со нејзин статус. Нејзината посветеност на своите цели и одлуката да донира поголем дел од своите приходи во добротворни цели јасно покажуваат дека за неа парите не се мотив, туку средство за промена на светот.