Експертите за оружје, кои ги анализираат состојбите во Украина велат дека дозволата од Западот на Украина да ги употребува американски ракети со долг дострел АТАКМС за гаѓање цели во Русија ќе создадат значителни предности на воените полиња стрелајќи кон потенцијалните цели во Русија.

Сепак, дел од западните медиуми во исто време се воздржани кон тоа дали со овој чекор на Белата куќа ќе може да направи промена во состојбите на терен каде Русите значително напредуваа изминатиот период.

Од она што се наведува во светските агенции, станува збор за бројка од најмалку 245 руски цели кои би биле на дострел на АТАКМС. А како најпогодени региони кои би биле гранатирани од страна на Украинците се посочуваат пределите долж украинско-руската граница како Белгород, Курск, Брјанск и Смоленск и други.

Десетици стратешки руски воени бази во дометот на АТАКМС?

Како што неодамна објави на оваа тема „Политико“, десетици руски воздушни бази се во домет на украинскиот АТАКМС во Русија. Потврда за тоа е и фактот што Русите наводно изминатиот период преместиле авиони од неколку воздушни бази кои се во домет на американскиот ракетен систем и стотици други руски воени инсталации.

Сепак, како што наведува медиумот, не се знае точно колку АТАКМС има Украина, но се знае дека имаат најмалку 245 руски цели на дострел.

„Институтот за проучување на војната“ (ISW) претходно објави дека максималниот опсег на украинскиот ХИМАРС, кој САД ѝ дозволува на Украина да го користи во Русија под ограничени околности, е гаѓање на дваесетина од овие објекти.

Паралелно на ова, „Институтот за проучување на војната“ објави и список на познати воени објекти претходно ова лето за да го илустрира степенот до кој американските ограничувања за употребата на АТАКМС од Украина ја ограничуваат способноста на Украина да напаѓа клучна воена инфраструктура во Русија.

Меѓутоа, откако Путин распореди севернокорејски војници во Курск, Бајден реши да ѝ ги „одврзе рацете на Украина“, а сега прашање е дали Зеленски ќе го искористи тоа и каков може да биде одговорот на рускиот претседател Владимир Путин.

АП неодамна цитираше украински командант во јуни 2024 година кој тврдеше дека украинските сили би можеле да ги нападнат командните пунктови на руската бригада во голем обем доколку САД одобрат употреба на АТАКМС од Украина за удар на руска територија, но во моментов не можат затоа што Русија распореди таква команда и контрола на област од 100 до 150 километри од линијата на фронтот – територија која е надвор од опсегот на ХИМАРС, но сè уште во опсегот на АТАКМС.

Исто така, треба да се напомене дека на списокот од 245 објекти не се вклучени различните теренски кампови и други бази што руската војска ги изгради во близина на Украина за поддршка на војната. Според ISW, овие списоци идентификуваат само дел од сите воени објекти во опсегот на АТАКМС.

Москва се подготвува за одговор од евентуален напад на руска територија

Од друга страна руската државна телевизија неодамна исто така емитуваше мапа на Русија на која беа прикажани областите за кои беше посочено дека Украина може да ги нападне со оружје што го испорачува Западот.

“Сегодня Himars, послезавтра — Atacms”: у пропагандистов истерика из-за разрешения США атаковать цели на территории РФ
Скабеева утверждает, что сейчас происходит “поэтапная эскалация”. И как только россияне ответят, “НАТО и Пентагон переключатся на новые цели” pic.twitter.com/x9qaVwJ3US

— Anri Tina (@Anri__Tina) June 4, 2024

Тоа доаѓа откако администрацијата на Бајден соопшти дека ѝ дозволила на Украина да користи американско оружје за да нападне одредени цели во Русија.

За време на емитувањето на програмата, водителката на емисијата Олга Скабеева реагираше на случувањата со прикажување на мапа на региони за кои рече дека може да бидат погодени од оружјето што ѝ се доставува на Украина.

„Денес ХИМАРС, утре – АТАКМС“, изјави Скабеева која тврди дека сега се случува „фазна ескалација“.