Повеќе од 10.000 руски војници биле убиени од почетокот на руската инвазија на Украина на 24 февруари до 9 декември, според истражувањето на Би-Би-Си Русија и независниот руски медиум Медијазон. Најголемиот број од убиените се 20-годишници од периферијата на Руската Федерација, а на списокот има повеќе од 400 неодамна мобилизирани граѓани на Русија.

Информациите до кои дојдоа овие две медиумски куќи се собрани врз основа на потврдени извештаи за смртта. Според Би-Би-Си Русија, реалната бројка би можела да биде двојно поголема, односно повеќе од 20.000 мртви во редовите на руската армија без проруски сепаратисти и странски државјани кои се бореле во редовите на „народните милиции“ на самопрогласените Доњецк и Лугански народни републики.

Официјална Москва признала само 5.937 жртви во своите редови, додека проценките на Украина и западните служби покажуваат дека бројката е 100.000. ранети и убиени војници.

За дел од војниците чија смрт е потврдена, дадени се информации за типот на армијата на која и припаѓале, годината и делот на Русија од кој дошле, врз основа на кои „Москва тајмс“ направи графика која дава подобра слика на она што го знаеме за руските војници испратени во Украина.

Најсмртоносните денови на бојното поле

Статистиката покажува дека руската армија на првиот ден од војната поточно на 24 февруари загубила, однсно загинале 98 руски војници. До крајот на февруари, односно во текот на првите пет дена од војната, вкупниот број на жртви беше 411.

Најсмртоносниот ден за руските војници од почетокот на војната до денеска беше 6 март, кога за 24 часа загинаа 123 војници. Од почетокот на делумната мобилизација во Русија на 21 септември, најмногу руски војници загинаа на 24 октомври, кога бројот на жртви во руските редови беше 61 загинат војник.

Најмалку жртви руската армија претрпе во средината на јули, а помал број на жртви (помеѓу 10 и 15 дневно) беа забележани и во април, кога Москва го објави своето повлекување од регионите Харков, Суми, Киев и Чернихив, т.е. крај на „првата фаза од војната“ и преселба на исток. , во Донбас. Крајот на ноември и почетокот на декември се исто така денови кога руските војници не забележаа многу жртви, дури и во некои денови на почетокот на декември не беа забележани жртви меѓу руските војници.

Намалувањето на бројот на жртви во последните недели од војната веројатно е резултат на помалку операции на терен поради зимата, но и промена на руската тактика, која сега вклучува напади од ирански беспилотни летала „Шахид“ и таргетирање на клучните Украински инфраструктурни објекти со крстосувачки ракети.

Најмногу загинати се со чин потполковник

Истражувањата покажаа дека војниците од првите редови најчесто гинат на фронтот, но евидентирани се и жртви меѓу високите чинови на војската . Статистиката покажува дека најчесто гинат потполковници. 123 од нив ги загубија животите од почетокот на руската инвазија, како и 44 с полковници и четворица со чин на генерал-мајор. Исто така, потврдена е смртта на девет пилоти.

Најголемиот број од убиените се на возраст од 21 година

Податоците покажуваат дека на бојното поле најчесто гинат најмладите и најмалку искусни војници, односно млади луѓе на возраст од дваесет години. Најголем дел од загинатите се меѓу младите мажи на возраст од 20 години (350), потоа 21 година (447), 22 години (396), 23 години (370) и 24 години (386). Кога станува збор за мажите во триесеттите години, најмногу настрадале 35-годишниците вкупно 326.

Од друга страна, најмалку смртни случаи има кај 60-годишниците – регистрирани се само 16 случаи на на загинати на возраст над 60 години.

Најчесто ги гинат војници од периферијата на Руската Федерација

Судејќи според статистиката, секоја од автономните републики и региони во Руската Федерација бележи жртви меѓу своето население, вклучувајќи го и Московскиот регион.
Најмногу гинат војници од најоддалечените и најнепристапните региони на Далечниот исток, како Чукотка, која досега бележи жртви меѓу осум свои жители и Камчатка, која брои 42 загинати војници. Од Република Саха (Јакутија), најголемата далечна источна република која е дел од Руската Федерација, загинаа 51 војник, а 94 од областа
Хабаровск.

Сепак, статистиката покажува дека поголем број загинати војници потекнуваат од западниот дел на земјата, од областите кои се географски најблиску до Украина – Ростов (287), Волгоград (288), Дагестан (363) и Краснодар, кој е и „шампион „ на оваа листа со 427 нејзини жители. кои загинале во борбите во Украина.

Централниот дел на земјата, исто така, бележи бројка од 325 војници загинати во регионот Свердоловск, 300 во регионот Чељабинск, а исто толку жртви во блиската Република Башкортостан, лоцирана меѓу Волга и Урал.

Загинаа и голем број војници од југоисточниот дел, особено од Република Бурјатија (356) и Трансбајкалскиот регион, кој граничи со Кина и Монголија, од каде што почина (228).
Кога станува збор за московскиот регион, најнаселениот дел на Русија, бројот на загинати војници е 160.

Повеќето од загинатите се меѓу редовните војници

На бојното поле, редовната руска армија досега има загуби од 5.804 загинати војници , а бројката на загинати војниците под договор е 1.066.

Убиени се и 108 членови на озлогласената платеничка група „Вагнер“, како и 85 затвореници кои биле мобилизирани додека ја издржувале казната, во замена за намалување или укинување на казната доколку поминат одредено време на фронтот.

Кога станува збор за мобилизираните руски граѓани, бројот на жртвите е 404. Делумна мобилизација беше воведена со указ на рускиот претседател Владимир Путин на 21 септември, а целта беше да се мобилизираат 300.000 мажи способни за војна. Иако делумната мобилизација заврши кон средината на октомври, во Русија постои страв дека на почетокот на следната година ќе следи нов бран на мобилизација.