Индија започна со примена на  оригинален начин како да ги казни оние лица кои не ги почитуваат мерките воведени против коронавирусот.

Во градот Ришикеш биле приведени туристи од Мексико, Австралија, Австрија и Израел, бидејќи го прекршувале  полицискиот час.

Полицијата ги натерала овие туристи да ја напишат реченицата ,,Не сум го почитувал каратинот и заради тоа жалам” дури 500 пати, и така да ја научат лекцијата дека треба да ги почитуваат воведените вонредни мерки.

Казната била инспирирана од светски популарната цртана серија ,,Симпсонови” во која главниот лик, Барт Симпсон на ист начин ги учи лекциите поради своите палавости.

Во Индија има околу 700 странски туристи кои се заглавени и не можат да ја напуштат земјата и да се вратат во своите  матични држави поради мерките воведени од пандемијата на  коронавирусот

Воведен е целосен карантин за околу една милијарда и четиристотини милиони жители, кои можат да излезат само за набавка на основни намирници.

Во втората по бројот на жители држава во светот, досега од коронавирусот се заразени 8 300, а починаа 273 лица.