Само 16 отсто од гласачите во Украина би го поддржале актуелниот украински лидер Володимир Зеленски доколку во овој момент се одржат избори, покажа истражување спроведено од Социолошкото здружение на Украина, а објавено на порталот „Зеркало“.

Студијата покажа дека поранешниот врвен украински генерал Валериј Залужни е многу попопуларен од Зеленски, а 27 отсто од испитаниците изјавиле дека би гласале за него.

Залужни, кој беше разрешен од должноста шеф на вооружените сили во февруари, сега е амбасадор на Киев во Лондон. Поранешниот украински претседател Петро Порошенко, кој загуби од Зеленски на изборите во 2019 година, би добил 7 отсто доколку гласањето би се одржало сега, а следен од шефот на военото разузнавање Кирил Буданов со 6 отсто.

Уште 15% од испитаниците рекле дека не знаат за кого ќе гласаат, додека 10% рекле дека воопшто нема да гласаат.

Инаку Зеленски останува на власт во Украина и покрај тоа што неговиот мандат официјално завршува во мај. Тој претходно се повлече од претседателските избори, повикувајќи се на вонредната состојба што ја воведе за време на конфликтот со Русија.