Најновата студија спроведена во Русија покажа дека луѓето кога купуваат најмногу сакаат попусти и купони, објавија руските медиуми.

Секое петто лице или 20 проценти од испитаниците во анкетата изјавиле дека ова биле неговите најзабавни моменти во шопингот. Анкетата покажа дека за 17 проценти од клиентите, нивниот омилен момент е кога ќе добијат известување дека купениот производ е подготвен за подигнување или ќе биде доставен од курирска служба, пренесува РИА Новости.

Анкетата, спроведена од Aли експрес, ЦИС и агенцијата Позишен, исто така покажа дека 14 проценти од испитаниците претпочитаат да нарачаат нешто преку интернет. За десет проценти од испитаниците, најпријатниот момент е поврзан и со онлајн купувањето, а тоа е известувањето дека производот што го сакаат е достапен на залиха или дека неговата цена е намалена.

Една третина од анкетираните веруваат дека шопингот ги прави посреќни, а сличен процент не мислат така. Како што покажа анкетата, Русите најмногу сакаат да купуваат облека и обувки, а потоа следуваат електроника, додатоци, чоколади и накит.

Студијата, исто така, наведува дека постои забележителен интерес за козметика, апарати за домаќинство, книги и спортска опрема, пренесува Политика.рс.