Македонските мотоциклисти Синиша Кочоски и Христијан Бузалковски ќе ја имаат таа чест да ја почувствуваат големината и убавина на една од најтрадиционалните и најпрестижните авто-мото трки во историјата „24 часа Ле Ман“.

Имено, Кочоски и Бузалковски се првите Македонци кои ќе бидат дел од Светското првенство во издржливост и своите квалитети ќе ги докажуваат пред светскиот мотоциклистички крем. По тој повод, македонските репрезенти во изминативе неколку дена го одработија два тренинзи пред квалификациите, на кој имаа забележителни резултати.

Како дел од чешкиот тим „Уни Серв Мото 82“ македонските мотоциклисти, како и останатите двајца членови на тимот имаа квалитетни тренинзи и со оглед на постигнатото време, пласманот на легендарната трка не би требало да биде доведен во прашање.

„Дводневните тренинзи на патеката Ле Ман беа одлично искуство за нас. Мотоциклот и патеката се фантастични, а ние се покажавме во одлично светло, како и нашите колеги. Атмосферата во тимот е на високо ниво и сите со нетрпение го очекуваме настапот во квалификациите. Благодарни сме што дел од овој тим на вака големо натпреварување“, велат македонските мотоциклисти.

Квалификациите за „24 часа Ле Ман“ се за две недели, а Кочоски и Бузалковски продолжуваат со напорните тренинзи со цел што подобро да ја претстават Македонија на легендарната трка.
Македонските шампиони не заборавија на трагедијата во Кочани и за време на тренинзите носеа маички во чест на починатите млади луѓе.