Младиот тим на КЛ7 кој сезонава дебитира во Суперлигата, денеска приреди пријатно изненадување победувајќи го тимот на Пролет со 32:30. Младите ракометари предводени од тренерот Андон Бошковски до победата дојдоа благодарение на одличната игра во второто полувреме откако првиот дел заврши 14:14. Најдобар во редовите на КЛ7 кој дојде до втората победа сезонава беше Кристијан Симоновски со девет постигнати голови додека во редовите на Пролет, Ласко Андоновски постигна 10 гола.

Тимот на Металург и без странците успеа да го победи Работнички со 26:22 и да го задржи максималниот ефект сезонава.
Во првиот натпревар по заминувањето на Зоран Кастратовиќ од клупата на Металург, тимот од Автокоманда настапи без странските ракометари но и тоа не ги попречи да дојдат до победата над Работнички. Најдобар во редовите на Металург беше Мартин Серафимов со седум постигнати голови, додека во тимот на Работнички, Тоше Ончев исто така постигна седум гола.

фото: РК Голден Арт КЛ7