Вицепремиерката и министерка за економија на Србија, Адријана Месаровиќ, се сретна со претставници на кинеските компании „GEB – Shandong Golden Empire Precision Machinery Technology“ и „MINT“, со кои разговараше за нови инвестиции, објави српското надлежно министерство. По средбата со претставниците на компанијата „MINT“, таа изјави дека оваа компанија вработува 3.000 луѓе во Србија и дека по изградбата на фабриките во Шабац и Лозница, сакаат да изградат нови капацитети и во други делови од земјата. Компанијата „GEB – Shandong Golden Empire Precision Machinery Technology“, како што истакна таа, планира да изгради фабрика во Србија за потребите на реномираниот производител на автомобили BMW. Министерката нагласи дека Србија е во потесниот избор за реализација на оваа голема инвестиција и дека се надева дека наскоро ќе има добри вести.

Ова, како што рече таа, ова е потврда дека големите глобални компании избираат да инвестираат во Србија.