Кинескиот Гвангжу Евергранде е добро познат и на европската јавност поради трошењето милиони на доведување европски ѕвезди, а сега овој клуб испадна во втората кинеска лига.

По 33 одиграни кола во кинеската Суперлига Гвангжу се наоѓа на 17-тата позиција со само три победи во целата сезона и со поразот од Чангчун Јатаи од 4:1 и математички ги загуби шансите за опстанок.

Во 2019 година Гвангажу беше шампион на Кина и во последната деценија освои дури осум шампионски титули, а играше важна улога и во Азиската лига на шампионите. Европскиот фудбал го шокираше со неколку големи трансфери, пред се за издвојување е оној на Џексон Мартинез кој кога беше баран од многу европски гиганти се пресели во Кина.

За Гвангажу настапуваа уште имиња како: Лукас Бариус, Паулињо, Талиска...Но со започнувањето на корона-кризата и воведувањето рестрикции од кинеската Влада за трошење милиони надвор од земјата започна падот кој сега ги донесе и до втората лига.