Кинеско овошје полно со забранети хемикалии – откриени се дури четири видови – преку Словенија влегло во Хрватска и Германија. Како што е наведено во понеделникот во Европскиот систем за безбедност на храна (РАСФФ), четири штетни пестициди биле откриени во делови од замрзнати и излупени праски од Кина при влез во Словенија. Словенија извести дека праски биле дистрибуирани во две земји-членки на ЕУ – Хрватска и Германија. Ова го утврдила словенечката гранична контрола, по што пратката била пуштена, а до тие земји и до системот за брзо предупредување на ЕУ во трговијата со храна е испратено известување. Во плодот се пронајдени хлорпирифос-етил, карбендазим, флоникамид и прохлораз. Ниту најмала вредност не е дозволена бидејќи пестицидите се прогласени за штетни по здравјето на луѓето и се забранети во ЕУ. Засега не се знае што се случило со спорната пратка што влегла во Словенија, односно што е направено со неа во Хрватска и Германија, предупредува Даница.хр.