Кинеската економија е измачувана од измамници кои ветуваат парични награди, реструктуирање на долгот и многу повеќе, што подоцна не излегува според ветеното. Ова е ситуација која потсетува на телевизиската серија „Игри со лигњи“ (Squid Game/Сквид гејм). За разлика од актерите од гореспоменатата јужнокорејска серија, кинеските актери во реалниот живот прифаќаат дисциплински предизвици за кои ги ризикуваат своите животи. Надлежните органи утврдиле дека некои учесници биле измамени на предизвикот за изолација – им било ветено дека ќе добијат милион јуани, предупредува Кликс.ба.

Споменатиот предизвик, кој се промовира и преку социјалните мрежи, стана популарен поради забавувањето на економскиот раст на Кина. Овој раст во третиот квартал од годинава беше најслаб во минатата година, што доведе до тоа Владата да вети нови мерки за зголемување на приходите на граѓаните. Долга е листата на предизвици, а еден од нив е тоа што дневното време за тоалет не може да биде подолго од 15 минути. Многу учесници во предизвикот плачат затоа што ги кршат правилата на првиот ден, што е снимено од надзорните камери. Учесниците негираат дека ги прекршиле правилата. Официјалните лица ја предупредија јавноста да не потпаѓа на ветувањата на оние кои тврдат дека ќе им помогнат да ги реструктуираат своите долгови или да ја подобрат својата кредитна способност. Станува збор за оние кои ги нудат своите услуги преку телефон, летоци и социјални мрежи, но со висок надомест, пренесува агенцијата Ројтерс.