Кинеската царина забрани директен и индиректен увоз на добиток и сродни производи од Полска и Хрватска поради појава на болеста син јазик, соопшти Генералната царинска управа. Ројтерс потсетува дека ова се случило откако Полска и Хрватска пријавиле до Светската организација за здравје на животните случаи кои биле откриени во една полска провинција и два хрватски округа, објави царината, пренесува Хина.

Синиот јазик е вирусна болест која ги погодува овците, говедата, козите и другите преживари, а се шири со каснување од заразени комарци. Болеста не е опасна за луѓето. Синиот јазик се појави во октомври минатата година во Холандија, а оттогаш се прошири и во Белгија, Германија и Чешка, која на почетокот на септември годинава објави дека заразениот овен покажал типични симптоми на болеста, вклучувајќи треска, назален исцедок, тешкотии со дишење и губење на апетит, објави Политика.рс.