Нов севернокорејски воен брод беше сериозно оштетен за време на неговото пуштање во водата. Лидерот Ким Џонг-ун остро ја осуди несреќата, нарекувајќи ја „криминален чин“ што не може да се толерира и предупреди дека одговорните за инцидентот ќе се соочат со последици.

Несреќата се случила во бродоградилиштето Чонѓин кога разурнувачот тежок 5.000 тони изгубил рамнотежа додека бил на транспортно возило, оштетувајќи делови од долниот дел на бродот и спречувајќи го да биде лансиран, објави Кјодо.

Ким рече дека несреќата, предизвикана од „апсолутна небрежност и неодговорност што ги надминува границите на можното“, довела до уништување на достоинството и самодовербата на државата.

Според извештајот на државната новинска агенција KCNA, Ким предупредил дека одговорните за грешките ќе мора да се соочат со последици на пленарниот состанок на работничката партија на Кореја што ќе се одржи кон крајот на јуни, пренесува Танјуг.

Исто така, наредено е бродот да биде поправен пред тој состанок, а ќе се спроведе истрага за инцидентот. Ким нагласи дека итната поправка на уништувачот „не е само практично прашање, туку политичко прашање што е директно поврзано со авторитетот на државата“.