Мрежата на Националната гарда на Соединетите Американски Држави беше хакирана од кинеска група за кибер шпионажа позната како „Солт Тајфун“, а во таа прилика беа украдени мапи и други клучни податоци од мрежите на колегите во различни американски држави и најмалку четири американски територии, според меморандум од Министерството за внатрешна безбедност.

Меморандум добиен од организацијата за транспарентност на националната безбедност „Property of the People“ потврди дека хакерите „обемно“ ја компромитирале мрежата на Националната гарда помеѓу март и декември 2024 година.

Иако Националната гарда и Одделот за кибер одбрана (CISA) на Министерството за внатрешна безбедност не дадоа веднаш коментар за инцидентот, меморандумот укажува на сериозноста на кибер нападот и потенцијалните долгорочни последици, пренесува Ројтерс.