Мисијата на КФОР, со поставување нови и обновување стари знаци за предупредување, работи на подобрување на видливоста долж целата административна линија со Србија, со цел да се намали ризикот од ненамерни преминувања.

„Знаците се поставуваат за да ги предупредат луѓето дека се приближуваат до административната гранична линија“, се наведува во соопштението на КФОР.

Се додава дека оваа активност ја одразува непристрасната посветеност на КФОР за обезбедување безбедна и сигурна средина за сите заедници на Косово.

Се потсетува дека КФОР и понатаму го спроведува својот мандат од Обединетите нации, придонесувајќи за безбедно и сигурно опкружување за сите луѓе и заедници на Косово – во секое време и на непристрасен начин, во тесна координација со Косовската полиција и ЕУЛЕКС, согласно нивните надлежности и улоги како безбедносни структури, пишува порталот Косов-онлајн.