Фудбалерот на Реал Мадрид не доби задоволителна понуда од „кралскиот“ клуб и очигледно на крајот на сезоната заминува како слободен агент.

Реал му понуди само едногодишен договор, кој Васкез не сакаше да го прифати, а понудите започнаа веднаш. Првата беше ид Баерн Минхен, но наводно Шпанецот не сака да ја „грее“ клупата.

Од вчера се споменува и Атлетико Мадрид, но само за кратко, бидејќи Васкез без размислување одби да ги зголеми редовите на својот голем ривал како дете на Реал.

„АС“ пишува дека Васкез повеќе би сакал да се пресели во Милан, кој е подготвен да му понуди тригодишен договор со заработка од пет милиони евра по сезона.

Васкез на тој начин би дошол како големо засилување, веројатно на позицијата десен бек..