Во Кавадарци денеска се изврши предавање на четири противпожарни возила за противпожарните единици од општините Кавадарци, Велес, Неготино и Свети Николе, од страна на Министерството за локална самоуправа и Центарот за развој на Вардарски плански регион.

Вкупната вредност на проектот изнесува 32 милиона денара. Од нив, 24 милиони се обезбедени преку Министерството, а осум милиони се кофинансирање од општините. Апликант за грантот бил Вардарски плански регион, а доделен е преку Министерството за локална самоуправа и Бирото за регионален развој.

Министерот за локална самоуправа, Ристо Пенов рече дека со ова и со ваков проект следна недела во североисточен регион, се заокружува владината програма, со која во сите места се обновуваат противпожарните возила. Тој најави и поддршка и во други области.

Директорот на Бирото за регионален развој, Рамиз Реџепи изрази задоволство од досегашната и најави и идна соработка, во интерес на сите. Градоначалниците од регионот, рекоа дека со ова се зајакнуваат капацитетите на противпожарните единици што ќе ги покриваат и останатите пет општини од регионот