Канадскиот премиер Марк Карни денес изјави дека беспилотни летала, муниција и оклопни возила во вредност од над 1 милијарда долари, како дел од новиот пакет помош на земјата, ќе пристигнат во Украина следниот месец.

„На самитот на Г7 во јуни, Канада вети дополнителни 2 милијарди долари воена помош. Денес, со гордост објавувам дека повеќе од 1 милијарда долари од тоа ќе бидат наменети за зајакнување на вашиот арсенал на оружје со беспилотни летала, муниција и оклопни возила, кои ќе пристигнат веќе следниот месец“, рече Карни во говорот на прославата по повод Денот на независноста на Украина.