Менаџерот на Кардиф, Нил Ворнок се најде во центарот на вниманието на англиската фудбалска јавност откако на необичен начин протестираше кај судиите по поразот на неговиот тим од Челси, но не застанува тука.

Кардиф на вчерашниот дуел имаше предност од 1:0 но сè се смени кога Челси постигна израмнувачки погодок од очигледна офсајд позиција, а потоа и успеаја да дојдат и до победата.

Ворнок на крајот од мечот стоеше спроти судиите и на тој начин го изрази својот револт поради нивните грешки, а ги натера навивачите да им аплаудираат при излегувањето од теренот.
Ворнок е подготвен и да оди чекор подалеку во „војната“ со судиската организација и најави дека на наредниот натпревар против Манчестер сити, ќе настапи си младинскиот состав.

– Можеби би требало да го изведам резервниот тим, би било интересно да видиме што младинците мислат на тоа. Постојано добиваме тешки удари од судиите. Најверојатно в среда ќе настапам со младинскиот тим и не ми е битно дали ќе примиме 10 или 11 голови. Не е важно против кого играш, вашно е кој го има свирчето и заставата – вели Ворнок.