Поранешниот тренер на Јувентус, Реал Мадрид, Рома и Милан, Фабио Капело во разговор за „Кориере дело Спорт“ упати сериозни критики за италијанските тренери поради дебаклот на екипите во европските купови.
Јувентус, Аталанта и Лацио испаднаа во осминафиналето на Лигата на шампионите, додека Милан е елимниниран во осминафиналето во Лигата на Европа, по што остана само Рома во ЛЕ да ја брани честа на италијанскиот фудбал. Капело не беше нималку нежен кон своите италијански колеги.
– Четири германски тренери се во четврфиналето на Лигата на шампионите, Клоп, Тухел, Флик и Терзиќ, а погледнете што прави Пеп Гвардиола во Манчестер сити, како само ја промени дефанзивата – вели поранешниот селектор на Англија и Русија.
Според Капело, во моментов најдобри италијански тренери се Антонио Конте од Интер и Џанпјеро Гасперини од Аталанта.
– Конте повторно почна да игра напаѓачки фудбал, а Гасперини е единствен тренер со европски менталитет.

Легендарниот тренер не беше нималку нежен во зборовите упатени кон Италијанската фудбалска федерација (ФИГЦ).
– Поранешен фудбалер кој се обучува за тренер ми рече дека ФИГЦ повикува манекени и шминкери да држат предавања наместо конкретни тренери. Би требало да ги повикаат најдобрите, Клоп и Мурињо, и да се вратат на основите. Ова е голема тгема за која е потребна голема дискусија – вели Капело за „Кориере дело Спорт“ и додава дека Интер уште сега може да ја прославува титулата.