Канадската компанија „Данди Прешис Металс Инк.“ објави дека успешно го заврши преземањето на „Адриатик Металс Плц“, која управува со рудникот во Вареш, еден од најзначајните рударски проекти во Босна и Херцеговина. Купувањето беше реализирано преку план за реорганизација одобрен од судот во согласност со британскиот закон. Сите услови за преземање беа исполнети на крајот на август, а одлуката на судот официјално стапи на сила на 3 септември 2025 година, пишува Бизнисинфо.ба, пренесува Фактор.ба. Со аквизицијата, „Данди Прешс Металс“ стана 100-процентен сопственик на рудникот Вареш, подземен комплекс кој произведува сребро, олово, цинк и злато.

Овој рудник привлече големо внимание во последните години поради високиот квалитет на рудите и значајниот економски потенцијал за локалната заедница и цела Босна и Херцеговина.

– Денес е важна пресвртница за нашата компанија. Со додавањето на операцијата во Вареш, ДПМ се позиционира како водечка рударска компанија со силен развоен потенцијал и врвни проекти во фазата на истражување и проширување – изјави Дејвид Реј, претседател и извршен директор на ДПМ.

Рудникот за сребро во Вареш беше продаден на канадска компанија за 1,25 милијарди американски долари Тој додаде дека компанијата ќе го искористи своето искуство во подземна експлоатација, управување со проекти и оптимизација на процесите со цел да го реализира целосниот потенцијал на рудникот во Вареш. Експертите проценуваат дека ова преземање би можело да ја позиционира Босна и Херцеговина како важен играч на европскиот пазар на суровини на долг рок.