Стипе Миочиќ е нов шампион во тешка категорија во УФЦ шампионатот, откако во фантастична борба го совлада Даниел Кормие со нокаут во четвртата рунда.

Миочиќ го направи тоа што муи беше единствена опција, со нокаут ја прекина борбата, бидејќи во првите три рунди подобар беше шампионот Кормие.

Со серијата удари во телото на шампионот, Миочиќ успеа да го легне противникот на подот, а потоа се нова серија удари во лицето го натера судијата да ја прекине борбата.

Со победата, Стипе Миочиќ си ја врати титулата која ја загуби токму од Кормие минатата година, откако претходно стана првиот борец во тешка категорија кој три пати успешно го одбранил шампионскиот појас.