Големата првична победа на Доналд Трамп во саботата над Ники Хејли во нејзината родна држава Јужна Каролина беше резултат на безмилосна и методична кампања за нејзино елиминирање како закана, велат помошниците и луѓето блиски до двете кампањи за Ројтерс.

И покрај тоа што веќе обезбеди низа првични победи, за Трамп беше клучно да ја освои Јужна Каролина, битна држава во раната републиканска прелиминарна трка која често го предвидува кандидатот на партијата. За разлика од 2016 година, Трамп сега се соочи со противничка која освои два мандати како гувернерка на државата и сè уште е локално популарна.

Негов план беше политички да се изолира Хејли со добивање на поддршката од голем број функционери во државата што е можно побрзо за да се покаже јавно дека нема пат до претседателската функција преку Јужна Каролина, рекоа соработниците на кампањата на Трамп. Победата на Трамп во саботата не беше последен удар за Хејли, но тој сепак ја победи со комфорни 20 проценти на нејзиниот домашен терен.

„Се соочувавме со гувернер со два мандати. Тоа бараше демонстрација на сила. Ни требаше поддршка за да ги спречиме донаторите и гласачите да ја гледаат Ники“, изјави за Ројтерс висок советник за кампањата на Трамп.

Крис Ла Сивита, ко-менаџер на кампањата на Трамп, рече дека поддршката за Трамп од големи имиња во таа држава одиграа клучна улога во задушувањето на конкуренцијата во државата. Ла Сивита вели дека уште еден клучен дел од успехот на Трамп е собирањето податоци за илјадниците гласачи кои присуствуваа на митинзите на поранешниот претседател.

Работејќи во мали канцеларии во Северен Чарлстон, вработените во кампањата со месеци се трудат да ги користат податоците од гласачите за да комуницираат редовно со потенцијалните гласачи. Трамп искористи сличен план за да победи во Ајова и Њу Хемпшир.