Легендарната пејачка Деби Хери, претставничка на Новиот бран и дел од маркантниот рок бенд „Блонди”, сѐ уште стои зад тврдењето дека за малку му избегала на озлогласениот сериски убиец Тед Банди, за кој официјално се знае дека има киднапирано, силувано и убиено над 30 млади девојки. 

Таа се навраќа на самиот сплет на околности, што се случил додека барала такси во текот на една вечер, во 70-тите години, што е токму и периодот кога Банди најмногу „оперирал”. Тој застанал со мал бел автомобил, и ѝ понудил да ја префрли до кадешто сакала. Се обидела да го игнорира, со тоа што продолжила да мавта барајќи такси, но се сеќава дека тој бил сосема упорен и ја прашал каде всушност се обидува да стигне. Откако му кажала дека локацијата е на неколку квартови оддалечена, тој инсистирал да влезе. 

„Класично сценарио во кое многу жртви, особено во 70-тите, го виделе својот крај.”, поентира Деби.