Одлуката на Уставниот суд за укинување на декларирањето на етничката припадност при вработувањата, за уставниот судија Осман Кадриу е противуставна, а вели и дека истата е донесена врз национална основа.

-За две прашања. Првото, истакнав и повторувам, со укинување на овие одредби, фактички и правно, де факто и де јуре, се укинува и апликацијата од уставот за правична и соодветна застапеност, бидејќи законот што се укинува сега е правно-контролен механизам и средство за спроведување на уставното право. Второ, за кое сум обврзан да ја информирам јавноста, одлуката е донесена на национална основа, со надгласување, а се воведува за правата, се укинуваат, се укинува на немнозинските заедници во Македонија, вели Кадриу.

Не исклучува политички притисок и од некоја политичка партија, но вели дека ова не може да го тврди. Во иднина за да нема вакви надгласувања на немнозинските заедници за прашања кои се директно поврзани со нив, Кадриу смета дека неопходно е внатре во Уставот да има механизам за двојно гласање, како што Собранието го има Бадентер.

До усвојување на новиот закон за правична застапеност, според Кадриу, прашањето за правична застапеност ќе се одложи, бидејќи институциите ќе се повикуваат само на уставното начело, а како ќе се спроведува, ќе биде нивна слободна волја, и како што додава, тука ќе има и злоупотреби и непочитувања…

–Сега е создаден правен хаос. Да не зборувам за политички хаос, за политика нека одлучуваат политичарите, мене ме интересираат како правник и уставен суд правните последици. Колку конкурси, колку огласи се отворени, останаа суспендирани, институциите не знаат како да одлучат, вели Осман Кадриу, уставен судија.